అరవింద సమేత చిత్రానికి సెన్సార్ పూర్తి

అరవింద సమేత చిత్రానికి సెన్సార్ ఫార్మాలిటీస్ పూర్తయ్యాయి. సినిమాను ఆద్యంతం పరిశీలించిన సెన్సార్ అధికారులు U/A సర్టిఫికేట్ ఇచ్చారు. నిజానికి ఈ సినిమాకు U-సర్టిఫికేట్ వస్తుందని మేకర్స్ ఆశించలేదు. ఎందుకంటే ఫ్యాక్షన్ బ్యాక్ డ్రాప్ కాబట్టి నరుక్కోడాలు బాగానే ఉన్నాయి. అందుకే U/A ఆశించారు. కానీ సెన్సార్ అధికారులు ఎక్కడ ఏ కట్స్ చెబుతారో అని కాస్త టెన్షన్ పడ్డారు.
మేకర్స్ టెన్షన్ పడినట్టే, కొన్ని యాక్షన్ సన్నివేశాల వద్ద సెన్సార్ అధికారులు అభ్యంతరం వ్యక్తంచేశారు. 2 డైలాగ్స్ వద్ద కూడా అనుమానాలు వ్యక్తంచేశారు. అయితే అక్కడికక్కడే జరిగిన చిన్నపాటి డిస్కషన్ తో వాటిపై ఓ అవగాహనకు వచ్చారు. ఫలితంగా ఎలాంటి కట్స్ లేకుండానే U/Aతో పాస్ అయింది అరవింద సమేత.
అటు ఏపీ ప్రభుత్వం నుంచి కూడా అరవిందకు తీపి కబురు అందేసింది. రోజుకు 2 షోలు అదనంగా వేసుకోవచ్చని గ్రీన్ సిగ్నల్ ఇచ్చేసింది ఏపీ సర్కార్. ఇది కూడా ఊహించిందే. కాకపోతే మొదటి 2 రోజులు, 3 రోజులు అనకుండా ఏకంగా 8 రోజుల పాటు రోజుకు 6 షోలు వేసుకోవచ్చని చెప్పింది . 

రిలీజ్ రోజు నుంచి 18న తేదీ వరకు ప్రతి రోజూ ఉదయం 5 గంటల నుంచి 11 గంటల మధ్య అదనంగా 2 షోలు వేసుకోవచ్చు. ప్రభుత్వం నుంచి వచ్చిన గ్రీన్ సిగ్నల్ తో ఏపీలో అరవింద సమేతకు రికార్డు స్థాయి వసూళ్లు వచ్చే అవకాశం ఉంది. అదనపు షోలతో పాటు అదనంగా టిక్కెట్ రేట్లు కూడా పెంచితే వారంలోనే మ్యాగ్జిమమ్ వసూళ్లు వచ్చేస్తాయి.