హీరోలను పట్టించుకోను

 'సినిమాకు సంతకం చేసే ముందు నేను ఆలోచించేది కథ గురించే. కథ బాగుండి అందులో నా పాత్ర నచ్చితే వెంటనే ఓకే చెప్పేస్తాను'' అని అంటోంది మలయాళ ముద్దుగుమ్మ అసిన్.బాలీవుడ్‌లో అదృష్టాన్ని పరిక్షించుకుని తిరిగి చెన్నై చేరుకున్న ఈ కేరళ కుట్టి తన గురించి ఇలా చెప్పుకొచ్చింది. "కథ, నా పాత్ర తర్వాత నేను ఆరా తీసేది దర్శకుడు గురించి. నేను నటిస్తున్న సినిమాలో హీరో ఎవరన్న విషయం మీద నేనెప్పుడూ ఆసక్తి చూపను.ఎవరైనా చెబితే వింటానే తప్ప ఆ వివరాలను పట్టించుకోను'' అని తెగేసి చెప్పేసిందీ సుందరి. అన్నట్టు ఎరుపు, నలుపు రంగులంటే ఈ బ్యూటీకి ప్రాణమట. "అమ్మా నాన్న నా రోల్ మోడల్స్. అమ్మకు ఎరుపు అంటే ఇష్టం. నాన్నకు నలుపంటే ఇష్టం. అందుకే నాకు ఆ రెండురంగులంటే ప్రాణం'' అని వివరించింది అసిన్.